Hachuk khurio - 1 Kothomayungo Naren-ni tonggwrwngno swidi?

Hachuk khurio - 1 Kothomayungo Naren-ni tonggwrwngno swidi?


Ans:- Swikwrwng Sudhanwa Debbarma bai swijak Hachuk khurio - 1 Kothomayung 1987 Bisio swiwi bijap karijakkha.O Kothomayungo kwbangma Borokrokni tonggwrwngni bisingo Naren mungwi khoroksa tonggwrwng nukjago.Bono o Kothomayungni yaphang
murama.Naren Mwtai dongor Kamini hukbar khwlai chanai nukhungni bwsa.Narenni bwpha khoroksa hukbar khwlaiwi chanai nukhungni borok.Haiphano samung thangthani tang kwrwng, wansuk kwrwng tei kwswrang wngmabai nukhungo mai khopsa chadropni biyal wngya.Bodhrai sak baithang lekha pora kwrwi phano bwsala Narenno lekha poririwi borok kotor swnamnani bini imang.i) Narenni khamao Sabita bai Mita:-
Narenni Kami Mwtai dongor Kamio. Bini cherai phuruni thung logisong wngkha Sabita. Bo phung dibor tei sairik sal hapya sak logio twiwi thunglaio tei berailaio. Waisa wisu Naren Sabitano twiwi tok bothop naithuk-laio___"A bihikrokno logio twlangwi biyangbo thanglaikha nide”. Nok nukhungni borok bai, Kamini Borok bai abotwi khwlaiwi Narenno Sabita bai kara thungmarok nukjagwi phaio. Narenbo cherai phuruni simi logisong manwi phaima bagwi Sabitano bini langmao twi dulwi tonio. Jorani logio Naren bwkha belwi thangmani mano. Abo wngkha Mui kwrwngrokni mui yogwi manyatwi bwrwirokni omotwi naisikmungbai chwlarok kwbang yogwi Manya wngma hai Narenbo Mitani naisikmani khwio kwchakha. Bo Sabitabai Mitani naithokmungno sursa thani Sabitano Mitani swlai naithokmungni goron rikha.ii) Phwrwngmung bai sisamungni lama :- Kothomayungo Narenni wansukmungno naikhe nugwi mano cheraini simino bini wansukmungrok buini swlai alaidakuk. Bini khuktwi Rwngno twiwi kuthuk tei Kotor wansukmung nukjago. Kok kiphilmung rimani tongo -- "kok kubui wngkha o porabai chakri khwlaina chukya, phiyaba Chakri khwlaina bagwi simi lekha poriya simung ajina wngkha lekha porani samung". Aboni logio kwtal jorabai gwdalwi paiphal eba baniya khwlainani bagwi kok biti rimani nukjago. Yaksi surwi Sana thangkhe Bharat chandra, Dukhiya tei swrwngwi tongnai bini palsongno bo phwrwngmani nukjago.Abo wngkha ---"Chini bosong kwlwi mani pher Kotor wngkha chuwak".O chuwak phekmungni nongkhorwi Manya hingkhai bosong sis gwlak".Abotwi kok samarok bini tongmung chamungni bisingo nukjagwi phaio.Naren wngkha yaphang murama.Bo sakni bagwi simi wansukya Hukumu -mukumu mwthangnani tei dophano kuchugo tisanani phaising bo bini wansukma tei naharmung mano.Bini kokbiti sikilarokno khomani tongo--"Takhukrok sikla Hoda bosongni thinang chwng lama himna rwngya hingkhai bosongbo lama kwmajaknai".Bo swrwngma logio bini khwlaithai samungrokno khwlaiwi thango.Rosamung:- Kothomayungo Narenni thwngwrwngni bisingtwi Sai mankha bo belaikhe chaitokmung gwnang wansukmung gwnang borok. Bo sakni bagwi simi wansukya borok dophani hamkwraino kuchugo tisana bagwibo bini samungni bisingo nukjagwi phaio. Jorani logio paiphal bai gwdalwi tongnani bagwi bini ganao paiphal bai gwdalwi tongnani sikla, Okara, Chakrarokno bo phwrwngmani mankha.

Comments

Post a Comment

Popular posts from this blog

B.A (1st.SEMESTER) KOKBOROK MAJOR PAPER:-1 Q.sino-Tibitan kokbosongni achaithai boro tai bwswk jora swkang biyangtwi o kok bosongni bedek bipwra chini ha kotorni Utur-pup amchaio sokphailaikha-Omoni laibuma kok kisa bai swidi?https://youtu.be/lglmavQJlzE?feature=shared

Image
Ans:-mung gwnang kok soisikwrwng Tarapuruala bini 'Elements of the science of Language 'bijabo sino-Tibitan borokrokni kokno swilangkha.Achaima thai wngkha chin hakotorni yang-sikiyan tei uangphu twima rukung amchaio.A borokrok juda -juda twimarogni lama romwi Brahmaputra twima achaima thaio Hachukni tolao phaiwi sokphalikha.A Tibeto burman kok sanai borokrog Brahmaputra twima achaima tinini baktham bakjagwi juda-juda phaising thanglaikha.Baksaba twimani saka toksawi Tibeto thangwi sogwilaikha tei baksakheba khama tokhwlaiwi Assamo phaiwi haplaikha tei baksa hinkhe chindwin tei iraboti twimano romwi Barma hakotoro sogwilaikha. Tabuk rwgwi naikhe saimano sinira(7th)bisio Hio-en-sang kamrupni bubagra Baskar Barmani nogwrai wngwi tongphuru bo kamrupni aulini ganao songduk borok dolsano nukha, tei bo a borokrogno dokhin-poschim chin-ni 'man' songduk dophani borokrogbai sollaio hinwi chongwi nakha.O kokno kokbkhursa kwrwng Dr.Suniti kumar Chotopadya bini ODBL bijapni kokphan...
Read more

Phirogwi phaidi oro ni 2 mark ni question tei Answer: B.A 1 st"semester kokborok"

1).Suna charan Debbarma ni kamini mung tamo? Phirokmung:- Suna charan Debbarma ni kamini mung wngkha Shambucharan kami,Gabardi Takarjala Amchai. 2). Phirogwi phaidi Koklop no rwchap nai sabo tei bo bisio rwchap jakkha? Phirokmung:- Phirogwi phaidi Koklop no rwchap nai wngkha rwchap kwrwng Suna charan Debbarma.O rwchap mung no chibisi bachini (1950--1954)bisini kwcharni rwchap mung. 3). phirogwi phaidi Koklop no sabo  kokborok bai komthingkha tei bo bisio? Phirokmung:-Phirogwi phaidi Koklop no kokborok bai komthing nai wngkha swikwrwng Man mohan Debbarma.bo o kok lobno chibisi bachini kwcharo(1950-1954) komthingo. 4).Suna charan Debbarma bihik bai bisik bwswk nukhung khakha tei borok ni bwsa khorok bwswk tong? Phirokmung:-Suna charan Debbarma bini bihik bai bisi chuku (9) jora nukhung khalai kha .Borokni bwsa khorok bwrwi tongo. 5).Suna Charan Debbarma bihikno tamo tamo hinwi lobwi Rinkha? Phirokmung:-Suna charan Debbarma bihikno phirogwi phaidi hinwi lobwi Ringo. 6).Phirogwi phaidi...
Read more

Q.Tabuk sabono ringnai wansukte wansukte holong kok sao bolong bisingo badukung thonjak yago "-O kokbwtang bo Koklopni naharjakha tei swinai sabo?Oro sabo saborogno ringnani kokno sajakha swidi? Koklobnai holong kok sao tei badukung thonjak kok bai tamono sanani naikha sukurwbwi swidi? B.A 1st major paper:-2

Phirokmung:-Tabuk sabono ringnai wansukte wansukte holong kok sao bolong bisingo badukung thonjak yago"-o kokbwtang koklobnai kwrwng chandra kanta murasing bai swijak 'Holong kok sao bolong bisingo 'koklobni naharjakha. Koklobo hachukrai chwla khoroksa.kok  wngkha swkang jorao hachukrai song tong baksa tong lai mani.jora hamyao kwlaiwi borok tabuk kaisa bai tei kaisa aroi poroi wnglaijak.mwkthango naikhe bo abo sawi mano Hachukrai song ahai twisa tokhwlai thangnai borokrog baithangni sini mung tei hukumu kwmajagwi tabuk bolong Hachukni phaising naharlai tonglaimani. Koklobo holong kok sao tei badukung thonjak aboni kokmang wngkha,kami amochai tei Hachuk mulugo tongnai borokrog tongthai kaisao tongwi baithangni hukumu mukumu bai gwdalwi tongthani abono kebo kwma risugwi manya.jeswk nokbar hamya bankwnduri phaithang baithang bai gwdalwi tongthok sek sugwi manya.Borok kosong rogno jephuru phano bwi phemologwi man nani mwchango.phiya o phemologwi jora kolok romwi hwijagwi tong...
Read more