B.A (1st.SEMESTER) KOKBOROK MAJOR PAPER:-1 Q.sino-Tibitan kokbosongni achaithai boro tai bwswk jora swkang biyangtwi o kok bosongni bedek bipwra chini ha kotorni Utur-pup amchaio sokphailaikha-Omoni laibuma kok kisa bai swidi?https://youtu.be/lglmavQJlzE?feature=shared


Ans:-mung gwnang kok soisikwrwng Tarapuruala bini 'Elements of the science of Language 'bijabo sino-Tibitan borokrokni kokno swilangkha.Achaima thai wngkha chin hakotorni yang-sikiyan tei uangphu twima rukung amchaio.A borokrok juda -juda twimarogni lama romwi Brahmaputra twima achaima thaio Hachukni tolao phaiwi sokphalikha.A Tibeto burman kok sanai borokrog Brahmaputra twima achaima tinini baktham bakjagwi juda-juda phaising thanglaikha.Baksaba twimani saka toksawi Tibeto thangwi sogwilaikha tei baksakheba khama tokhwlaiwi Assamo phaiwi haplaikha tei baksa hinkhe chindwin tei iraboti twimano romwi Barma hakotoro sogwilaikha.
Tabuk rwgwi naikhe saimano sinira(7th)bisio Hio-en-sang kamrupni bubagra Baskar Barmani nogwrai wngwi tongphuru bo kamrupni aulini ganao songduk borok dolsano nukha, tei bo a borokrogno dokhin-poschim chin-ni 'man' songduk dophani borokrogbai sollaio hinwi chongwi nakha.O kokno kokbkhursa kwrwng Dr.Suniti kumar Chotopadya bini ODBL bijapni kokphang sakha.Abono twiwi bo oro khursawi swikha"Hiuen Thsang remarket that the triobes living in the frontiers of kamrup were akin to the man tribes of south-western china,a wild Tibeto-chinese people.
Oro khursana kwlaio kokborok bwswk kwcham bini achaima jora tei o Budu  dophani juda-juda kok sanai borokrog bwphuru chini ha twima rukungni Assam hao ongkhorwi phailaikha abono twiwi amjogwi nainani kwlaio.Hayungni bo borok bosongni kok bwphuru achaikha abo kebo chongwi manya.Dr.Sukumar sen china Tiboti kok bosongni kokno sathanibo gothogo.kokborok bud chin bosongni kok bosongni Tiboti Barmi bedekni Buru dophani bisingo kwlaio eba Buru buprani ongkhorwi phaikha.
Tabuk elem gwnangrogni o kokno rwgwi hinwi mano chini kok kokborokni yaphang.phiyaba Tiboti Barmi bosongni Buru koksanai borokrog bwphuru assamo ongkhorwi phailaikha aboni soi-soi jora tabubo kebo kahamkhe romwi manyakhu.O Buru bosongni kok sanai juda-juda bosongni borokrog bwphuru utor pub eba Assamo haphaikha abono twiwi kok soisikwrwng Dr.Suniti kumar Chotopadya ODBL bijabo swikhe ahai hinwi--'The Bodo section of the Tibeto -Burman brach of the Tibeto--Chinese people (Bodo,Mec,koc,kacari,kabha,Garo,Tipra)came to Assam and East Bengal and were spread all aver East and North Bengal. " Aboni ulono a borokrog bwphuru Assamo haphailaikha abono twiwi bo teibo sakha-'The time of the Tibeto-Burman incursion and settlement in Assam and East Bengal is not known.but it could not have been long before the beginning of the Christian era at the earliest."Hinkhe bini o kokno rwgwi chwng sai mankha jisu khirsto kisa achaima swkang tibeto bosongni Budo kok sanairog Assamo haplaikha tei tongthai achuklaikha.

"HAMBAI JOTONO KOKBOROK NAOUI PORE NAIROK NO"
B.A (1st.SEMESTER) KOKBOROK MAJOR PAPER:-1

Comments

Post a Comment

Popular posts from this blog

Phirogwi phaidi oro ni 2 mark ni question tei Answer: B.A 1 st"semester kokborok"

1).Suna charan Debbarma ni kamini mung tamo? Phirokmung:- Suna charan Debbarma ni kamini mung wngkha Shambucharan kami,Gabardi Takarjala Amchai. 2). Phirogwi phaidi Koklop no rwchap nai sabo tei bo bisio rwchap jakkha? Phirokmung:- Phirogwi phaidi Koklop no rwchap nai wngkha rwchap kwrwng Suna charan Debbarma.O rwchap mung no chibisi bachini (1950--1954)bisini kwcharni rwchap mung. 3). phirogwi phaidi Koklop no sabo  kokborok bai komthingkha tei bo bisio? Phirokmung:-Phirogwi phaidi Koklop no kokborok bai komthing nai wngkha swikwrwng Man mohan Debbarma.bo o kok lobno chibisi bachini kwcharo(1950-1954) komthingo. 4).Suna charan Debbarma bihik bai bisik bwswk nukhung khakha tei borok ni bwsa khorok bwswk tong? Phirokmung:-Suna charan Debbarma bini bihik bai bisi chuku (9) jora nukhung khalai kha .Borokni bwsa khorok bwrwi tongo. 5).Suna Charan Debbarma bihikno tamo tamo hinwi lobwi Rinkha? Phirokmung:-Suna charan Debbarma bihikno phirogwi phaidi hinwi lobwi Ringo. 6).Phirogwi phaidi...
Read more

Q.Tabuk sabono ringnai wansukte wansukte holong kok sao bolong bisingo badukung thonjak yago "-O kokbwtang bo Koklopni naharjakha tei swinai sabo?Oro sabo saborogno ringnani kokno sajakha swidi? Koklobnai holong kok sao tei badukung thonjak kok bai tamono sanani naikha sukurwbwi swidi? B.A 1st major paper:-2

Phirokmung:-Tabuk sabono ringnai wansukte wansukte holong kok sao bolong bisingo badukung thonjak yago"-o kokbwtang koklobnai kwrwng chandra kanta murasing bai swijak 'Holong kok sao bolong bisingo 'koklobni naharjakha. Koklobo hachukrai chwla khoroksa.kok  wngkha swkang jorao hachukrai song tong baksa tong lai mani.jora hamyao kwlaiwi borok tabuk kaisa bai tei kaisa aroi poroi wnglaijak.mwkthango naikhe bo abo sawi mano Hachukrai song ahai twisa tokhwlai thangnai borokrog baithangni sini mung tei hukumu kwmajagwi tabuk bolong Hachukni phaising naharlai tonglaimani. Koklobo holong kok sao tei badukung thonjak aboni kokmang wngkha,kami amochai tei Hachuk mulugo tongnai borokrog tongthai kaisao tongwi baithangni hukumu mukumu bai gwdalwi tongthani abono kebo kwma risugwi manya.jeswk nokbar hamya bankwnduri phaithang baithang bai gwdalwi tongthok sek sugwi manya.Borok kosong rogno jephuru phano bwi phemologwi man nani mwchango.phiya o phemologwi jora kolok romwi hwijagwi tong...
Read more