1)."Sarik sal thangkhe nogo kiphilo lenglama pokjanani nogo kiphilbo khakwchang wngya ogosa kwrwirog ni"------ O kok bwtang boroni naharjakha tei swinai sabo?O koklobo bwrwichuk bai bura bahaikhe nukhung khalai swidi.? (12 mark ni question tei answer Major paper:-2..B.A 1st)

Phirokmung:-O kok bwtang "Ogosa kwrwi ni nukhung"Koklopni naharjakha.o koklopno swinai wngkha jugandra chandra Debbarma.

Koklopnai bini o koklobo bura bai bwrwichuk ni nukhung khamao bwsa kwrwini bagwi borogni nukhungo khakuchang mung kwrwi.O hasakao borogni tong gwrwng rogno rwgwi naikhe borogrog nukhung khamajorao baithangni bosong tei thinango hamuicha thangnani bagwi bwsabwtwi khwlailaio.koklop nai bini koklobo je borogrogni nukhungo bwsa bwtwi manya borogni nukhungo khakchangma tei tongthok bukhuk nwini bising kwrwi abono rwgwi bura bwrwichuk ni nukhung khamao tong kwchang tei khak chang ma kwrwi kothomano swikha.oro tipra dophani borogrog ni nukhungo bwsa kwrwi wngwi khakuchangya nukhungo bukhuknwi ni bisingo walaimung tei khakoi laimungni bisingtwi borogni chaithang lama buskango twrwk twrwk twi borogni chaithang lama buskango twrwk twrwkkhe twlang laijago.Bwsa kwrwini bagwi borog bukhuknwini thinang belai kheno mwnago kwlaijak tamono hinba borogrog umor chara wngmani yagwlo chaithangni bagwi phan kwrwi wngwi thango tei salsa mathwyo . Borogni nukhung no songchaui narwk nani bagwi tei pusinai kwrwi haini bagwi hugo samung tangwi kiphilwi bo borogni khakchangma rinai borog kwrwi,lenglama hinwi borog rogni samung seplenai kwrwi achaikheno borog tonglaijao.

Borogrog hasakhao thuyasakni bagwi phaya salsa ya salsa ayang maising mathango.Borog hodani gwrwngno  rwkhe chwng borogrogni tong umor jorano bagwimano chwrwi tong umor,sikwla jora, nukhung khama jora,tei chakra wngma jora ahaikhe borogni tong gwrwng ni tong umar bagjago.Jujendra chandra Debbarma ni koklobo chakra tong umorni jorao nukhungo nangkukma doro wngkha bwsa.Bini o koklobo bwsa kwrwini nukhungo birman tei khak changma kwrwi ni kothomano sakha.Bukhuknwi hugo thangwi bo samung tangphuru khakchang tei tongthok manya bwsa kwrwini bagwi phanmano .phiya bura bwrwichuk ni nukhungo bwsa kwrwini bagwi khakchangma kwrwi .jora jora borog bukhuknwini no kok banglaio khakoilaio phiya thisa borog kwrwino khamethebwi hamlai tonglaijao.