1)Kokborok ni laibuma no twiwi kok thaisa thainwi nini je simatwi swidi?(B.A1st "major paper:-1)

Phirokmung:-kokborok ni laibumano rwgwi naiwi chwng kwlai sakhino sauimanu,chini kokborok swijakmani puila bisi 1897-98 hinwi,abo Daulat Ahammed bai swijako.phiyaba tei babaisa bwkhak naiwi naikhai chwng saimanu,Bubagra Dharma manikya ni jora o Tripura ni Rajmala "Rajratankar"Swijak o hinwi(1458)abo koloma swithai bai saijakgo hinwi elem kwrwng rok sao,o"Rajratanakar"no control durlobendra Debbarma ni khukbai sajak hinwibo saui manu.Teibo sathai kwlaio Daulat Ahammed ni sikang bo chini kokborok ni kokthai rokno twiwi thumbwi swija kha bijap ni sakmang rijakkha.Abo sir A phayere bai thumjak 1841 bisio (An Account of Arakan journal of the Asiatic society of Bengal.Vol.x,1841 A.D,pt.711 vocabulary)omanthok o.
Tabuk tei khaksa bwkhak mokol kwrwi naikhol chwng saimano,koksoisilam kwrwngrok kokborok kok no boroni phaikha abono twiwi kwbangma dale dal mungrem phunu klangkha.phiya oro koksoisilam kwrwng Tarapurwala ni kokno sathai kwlaio,bo sakha sino-Tibitan kokbosongni achaiphang wngkha chin-ni yang-tsikyang tei huwanghu twimani rukungo.Aroni simino a kokbosongni borokrok twima twisa lamsollaiwi jora kaisa Brahmaputra twimani gana gini bebak thaio phaiwi sokphai laikha.Tei aroni simino twrwk twrwk chini tripura hao sokphaiwi tonglaina chengkha,ha songcha laikha,bubagra rok hano naikol langkha,tei chini kokbo Radhamuhan Debbarma ni yakrombwi kokborok hinwi mung mankha.Tabuk kokborok wngkha chini Tripura hasteni borok dopha rokni mani kok,thwibai gwdaljak tei lukubai manijak haphang bai gosijak kok.
Laibuma no rwgwi naikhe saimano khorok 184 bubagra ha naikollangmani kokno.Tripura ni bubagra Dhormo manikya ha naikol langmani jorao swikwrwng sukreswor tei baneswor mungwi khoroknwi elem gwnang kaisa swimung swimani koksaimanu.A swimung wngkha Rajratankar abo Durlo bendra chontai ni khuktwi kochojak kokthairok.Tabuk ni swnal kwswngmao swijak tongo,obijap koloma swithai baino swijakgu hinwi,o bijap kokborok bai no puila swijak o hinwibo chwng khwnao.phiyaba aboni paithak kubui swrai swrai manjakya.Bubagra Dharma manikya ha naikol mani jora wngkha 1432-1462 A.D .Tei Rajratanakar swijakmani bo 1458 A.D hinwi rombwi naharjakha.Abo"kalhana"ni bijap kashmir ni bubagra no twiwi swijak"Rajatarangini"(12th Century)Swimung bai bisi pherlaiya hinwi salai o.phiya Bubagra Bir Chandra manikya ha naikolma jorao (1862-1896)bangla kokno Tripura hasteni hapang ni kok hinwi gosiui naharkha eba sakwlai kha hinwi saimanu .Tamoni hinmale a jorao Tripura ni bubagra rok bangla kokno chajakha tei wanjwi dophani kokno kuchitisana bagwi samung tongngkha.Bubagra Birchandra bai swijak bijap sri jhulan tei prem morichika abo kokwanjwi  baino swijak.
Bubagra rokni mol paikha 1947 bisio,paithak bubagra Bir bikram manikya thwimani bai isiri kanchan prabha devi hani nokphang mawngkha.Tamoni hinkhe bubagra thwima yagulo bubagra ni achukthai O achukna bagwi  bubagra ni sajwla umor soksukyakhu.isiri ha naikolmani kubuini dophani baksa borokrok mokol gwdaljakliya wngwi bising bising kok chaplaikha.Tripura hano sekna bagwi kwbangma kokchaya rokbo wansuklaikha, Bubagrajwk abono saimanwi 15th October 1949 bisio Tripura hano bharat ha kotorni thani yaphrkha .Abohaikhe Tripura bharat ha kotorbai kwrwngkha.Aboni bisi kwdwkma yagulo 1972 bisio 21th January talo Northeast re-Organation act (2972)no rwgwi phiyokjakmung Tripura hwnwi gosimung mankha.Haikhe saui mano Tripura hao bubagra ha naikolwi phaimani jorani simino chini kok kokborok kokni swithaini jwngal chengjakma.Kokbork swithai tamo wngnai tei tamo tongmani abono saimanna belai kutuk hinwi manu.

Comments

Post a Comment

Popular posts from this blog

B.A (1st.SEMESTER) KOKBOROK MAJOR PAPER:-1 Q.sino-Tibitan kokbosongni achaithai boro tai bwswk jora swkang biyangtwi o kok bosongni bedek bipwra chini ha kotorni Utur-pup amchaio sokphailaikha-Omoni laibuma kok kisa bai swidi?https://youtu.be/lglmavQJlzE?feature=shared

Image
Ans:-mung gwnang kok soisikwrwng Tarapuruala bini 'Elements of the science of Language 'bijabo sino-Tibitan borokrokni kokno swilangkha.Achaima thai wngkha chin hakotorni yang-sikiyan tei uangphu twima rukung amchaio.A borokrok juda -juda twimarogni lama romwi Brahmaputra twima achaima thaio Hachukni tolao phaiwi sokphalikha.A Tibeto burman kok sanai borokrog Brahmaputra twima achaima tinini baktham bakjagwi juda-juda phaising thanglaikha.Baksaba twimani saka toksawi Tibeto thangwi sogwilaikha tei baksakheba khama tokhwlaiwi Assamo phaiwi haplaikha tei baksa hinkhe chindwin tei iraboti twimano romwi Barma hakotoro sogwilaikha. Tabuk rwgwi naikhe saimano sinira(7th)bisio Hio-en-sang kamrupni bubagra Baskar Barmani nogwrai wngwi tongphuru bo kamrupni aulini ganao songduk borok dolsano nukha, tei bo a borokrogno dokhin-poschim chin-ni 'man' songduk dophani borokrogbai sollaio hinwi chongwi nakha.O kokno kokbkhursa kwrwng Dr.Suniti kumar Chotopadya bini ODBL bijapni kokphan...
Read more

Phirogwi phaidi oro ni 2 mark ni question tei Answer: B.A 1 st"semester kokborok"

1).Suna charan Debbarma ni kamini mung tamo? Phirokmung:- Suna charan Debbarma ni kamini mung wngkha Shambucharan kami,Gabardi Takarjala Amchai. 2). Phirogwi phaidi Koklop no rwchap nai sabo tei bo bisio rwchap jakkha? Phirokmung:- Phirogwi phaidi Koklop no rwchap nai wngkha rwchap kwrwng Suna charan Debbarma.O rwchap mung no chibisi bachini (1950--1954)bisini kwcharni rwchap mung. 3). phirogwi phaidi Koklop no sabo  kokborok bai komthingkha tei bo bisio? Phirokmung:-Phirogwi phaidi Koklop no kokborok bai komthing nai wngkha swikwrwng Man mohan Debbarma.bo o kok lobno chibisi bachini kwcharo(1950-1954) komthingo. 4).Suna charan Debbarma bihik bai bisik bwswk nukhung khakha tei borok ni bwsa khorok bwswk tong? Phirokmung:-Suna charan Debbarma bini bihik bai bisi chuku (9) jora nukhung khalai kha .Borokni bwsa khorok bwrwi tongo. 5).Suna Charan Debbarma bihikno tamo tamo hinwi lobwi Rinkha? Phirokmung:-Suna charan Debbarma bihikno phirogwi phaidi hinwi lobwi Ringo. 6).Phirogwi phaidi...
Read more

Q.Tabuk sabono ringnai wansukte wansukte holong kok sao bolong bisingo badukung thonjak yago "-O kokbwtang bo Koklopni naharjakha tei swinai sabo?Oro sabo saborogno ringnani kokno sajakha swidi? Koklobnai holong kok sao tei badukung thonjak kok bai tamono sanani naikha sukurwbwi swidi? B.A 1st major paper:-2

Phirokmung:-Tabuk sabono ringnai wansukte wansukte holong kok sao bolong bisingo badukung thonjak yago"-o kokbwtang koklobnai kwrwng chandra kanta murasing bai swijak 'Holong kok sao bolong bisingo 'koklobni naharjakha. Koklobo hachukrai chwla khoroksa.kok  wngkha swkang jorao hachukrai song tong baksa tong lai mani.jora hamyao kwlaiwi borok tabuk kaisa bai tei kaisa aroi poroi wnglaijak.mwkthango naikhe bo abo sawi mano Hachukrai song ahai twisa tokhwlai thangnai borokrog baithangni sini mung tei hukumu kwmajagwi tabuk bolong Hachukni phaising naharlai tonglaimani. Koklobo holong kok sao tei badukung thonjak aboni kokmang wngkha,kami amochai tei Hachuk mulugo tongnai borokrog tongthai kaisao tongwi baithangni hukumu mukumu bai gwdalwi tongthani abono kebo kwma risugwi manya.jeswk nokbar hamya bankwnduri phaithang baithang bai gwdalwi tongthok sek sugwi manya.Borok kosong rogno jephuru phano bwi phemologwi man nani mwchango.phiya o phemologwi jora kolok romwi hwijagwi tong...
Read more