Q.Tabuk sabono ringnai wansukte wansukte holong kok sao bolong bisingo badukung thonjak yago "-O kokbwtang bo Koklopni naharjakha tei swinai sabo?Oro sabo saborogno ringnani kokno sajakha swidi? Koklobnai holong kok sao tei badukung thonjak kok bai tamono sanani naikha sukurwbwi swidi? B.A 1st major paper:-2

Phirokmung:-Tabuk sabono ringnai wansukte wansukte holong kok sao bolong bisingo badukung thonjak yago"-o kokbwtang koklobnai kwrwng chandra kanta murasing bai swijak 'Holong kok sao bolong bisingo 'koklobni naharjakha.

Koklobo hachukrai chwla khoroksa.kok  wngkha swkang jorao hachukrai song tong baksa tong lai mani.jora hamyao kwlaiwi borok tabuk kaisa bai tei kaisa aroi poroi wnglaijak.mwkthango naikhe bo abo sawi mano Hachukrai song ahai twisa tokhwlai thangnai borokrog baithangni sini mung tei hukumu kwmajagwi tabuk bolong Hachukni phaising naharlai tonglaimani.

Koklobo holong kok sao tei badukung thonjak aboni kokmang wngkha,kami amochai tei Hachuk mulugo tongnai borokrog tongthai kaisao tongwi baithangni hukumu mukumu bai gwdalwi tongthani abono kebo kwma risugwi manya.jeswk nokbar hamya bankwnduri phaithang baithang bai gwdalwi tongthok sek sugwi manya.Borok kosong rogno jephuru phano bwi phemologwi man nani mwchango.phiya o phemologwi jora kolok romwi hwijagwi tongya.Abo jephuru phano nwkjagwi mano.Abo hai phemologmung nwkjakmani yagulo no borokrog ni bwkhao kaisa simung tei muchungmung phaiwi thango.A jorao no borokrog baithang ni hukumuno mwthangwi narwkna bagwi thinangni bagwi yapiri kwtal sena nango .A kok nono koklobo holong kok sao tei badukung thonjak hinwi sanani naikha.

Koklob kwrwng chandra kanta Murasing bini 'Holong kok sao bolong bisingo 'koklobo borok mwnwisurrog kaisa dophani,borok bai tei kaisa dophani borok kusulai tongmani kokno o koklobni bisingtwi phunukgwi rikha.Abono karwi bo borok sopharog baithangni sinimung tei hukumuno bwswk hamjagwi tong kha bisingni o sotonmungno phunugwi rikha o koklobni bisingtwi.

 " Jotono hambai kokborok porinai rogno"

Q.Tabuk sabono ringnai wansukte wansukte holong kok sao bolong bisingo badukung thonjak yago "-O kokbwtang bo Koklopni naharjakha tei swinai sabo?Oro sabo saborogno ringnani kokno sajakha swidi? Koklobnai  holong kok sao tei badukung thonjak kok bai tamono sanani naikha sukurwbwi swidi? B.A 1st major paper:-2